Զենքի միջոցով բռնություններին վերջ դնելու համար ԱՄՆ-ը նարնջագույն է հագնում
Զենքի միջոցով բռնություններին վերջ դնելու համար ԱՄՆ-ը նարնջագույն է հագնում
- Հրապարակեք Facebook-ում
- Հրապարակեք Twitter-ում
- Հրապարակեք В Контакте-ում
- Հրապարակեք Google+ -ում
- Մեր YouTube ալիքը
- Ուղարկել ընկերներին
Տես մեկնաբանությունները
Թեև զանգվածային հրաձգությունները ու մարդասպանությունները ԱՄՆ-ում սովորական են դարձել, երկրի բնակչությունը պառակտված է զենքի վերաբերյալ օրենքի փոփոխության հարցում:
Երեք տարի առաջ Չիկագոյի հարավային մասի դեռահասները դասընկերներին խնդրել էին իրենց սպանված ընկերոջ հիշատակը հարգելու համար հագնել նարնջագույն շապիկներ: Այս գույնը խորհրդանշում է կյանքի գինը: Տեղական այս նախաձեռնությունը վերաճել է «Հագիր նարնջագույն» շարժմանը: ԱՄՆ-ի մի շարք հայտնի շենքեր լուսավորվում են նարնջագույն լամպերով, օգնելով պայքարել ընդդեմ զենքի միջոցով բռնությունների:
Հայտնի կինոռեժիսոր Սփայք Լին չորեքշաբթի օրը Նյու Յորք էր մեկնել, որպեսզի միացներ քաղաքի խորհրդանիշ հանդիսացող «Էմփայըր սթեյթ Բիլդինգ»-ի նարնջագույն լույսերը:
«Սա շատ կարևոր պահ է Միացյալ Նահանգների պատմության համար և այս հզոր երկրով մեկ մարդիկ կանգնել են ոտքի ասելու, որ բավական է: Երկրում զենքի հրազենային կրակից օրական 91 ամերիկացի է զոհվում, որոնցից երկու երրորդը՝ ինքնասպանության հետևանքով: Դա անընդունելի է»:
Մասնակիցների շարքերում էր նաև Շանդուք Մըքֆաթերը, ում եղբորը սպանել էին ատրճանակի կրակոցով մայիսի 25-ին համերգի ժամանակ:
«Հոգեկան խանգարումը այն է, երբ վարում ես այնպիսի ապրելակերպ, երբ առաջին արձագանքը ատրճանակի կրակոցն է: Մեր համայնքում դա է համարվում ճիշտ արձագանք, սակայն համայնքներ կան, որտեղ դա սխալ է համարվում: Մենք պետք է մեր համայնքներին սովորեցնենք, որպեսզի մոռանան այդ վարվելակերպը»:
Շատ ամերիկացիներ համոզված են, որ իրենց սահմանադրական իրավունքն է պաշտպանվելու համար զենք ունենալ: Քաղաքական ակտիվիստ Ռոբ Շենքը ժամանակին այդ մարդկանց շարքերում էր, սակայն նրա հարևանությամբ կատարված սպանությունը փոխել է նրա տեսանկետը:
«Երբ զենք ես վերցնում պաշտպանվելու նպատակով, նշանակում է պատրաստ ես մեկ այլ մարդ սպանել: Պետք է պատրաստ լինել: Եթե, պատրաստ չես սպանել, ապա զենք վերցնելն ավելի վտանգավոր է, որովհետև դիմացինը կարող է զենքը խլել և դրանով իսկ սպանել քեզ կամ ուրիշներին»:
Շենքի խոսքերով, ԱՄՆ-ի օրենքը մարդկանց զենք կրելու իրավունք է տալիս, սակայն չի տալիս էթիկական այն հարցին պատասխան, թե արդյո՞ք ճիշտ է մեկ այլ մարդու կյանք խլելը:
Ցույց տալ մեկնաբանությունները