Օբաման՝ երիտասարդներին. «Պետք է թույլ տալ մարդկանց ինքաարտահայտվել»
- Հրապարակեք Facebook-ում
- Հրապարակեք Twitter-ում
- Հրապարակեք В Контакте-ում
- Հրապարակեք Google+ -ում
- Մեր YouTube ալիքը
- Ուղարկել ընկերներին
Ճապոնիայում Մեծ յոթնյակի գագաթաժողովը բացելուց առաջ Բարաք Օբաման հանդիպում էր անցկացրել Վիետնամի երիտասարդության հետ, որտեղ պատմել էր առաջնորդ դառնալու իր ուղու մասին եւ նույնիսկ վիետնամական ռեփ կատարել.
«Պե՞տք է երաժշտություն, ասենք...»:
26-ամյա ռեփեր Սաբոյին հետաքրքրում էր խոսքի եւ արվեստի ազատության խնդիրը: Օբամայի դիրքորոշումն այս հարցում միանշանակ էր.
«Պատկերացրեք, եթե այն ժամանակ, երբ ռեփը նոր էր զարգանում, կառավարությունն այն արգելեր, պատճառաբանելով դրա մեջ վիրավորական պարունակությունը, ներկայիս հիփ-հոփ մշակույթը գոյություն չէր ունենա: Այնպես որ, պետք է թույլ տալ մարդկանց ինքաարտահայտվել»:
Հո Շի Մինում երիտասարդներին հետաքրքրում էր նաեւ Օբամայի կարծիքը, թե ինչպե՞ս է հնարավոր առաջնորդ դառնալ: Բարաք Օբաման խոստովանեց, որ երիտասարդ տարիքում բոլորովին էլ լուրջ անձնավորություն չէր.
«Երբ ձեր տարիքին էի, ես ձեզ պես կազմակերպված, կրթված եւ իմաստուն չէի: Երիտասարդ տարիներին ես ուսմանս լուրջ չէի վերաբերվում, ավելի շատ հետաքրքրված էի բասկետբոլով եւ աղջիկներով: Եվ միշտ չէ, որ այսքան լուրջ եմ եղել»:
Մեկնելով Ճապոնիա՝ Օբաման սկսեց օրը երկկողմ հարաբերությունների ընդլայնման հեռանկարների քննարկումից: Երկու երկրների ղեկավարները կրկին ընդգծեցին հարաբերությունների կարեւորությունը:
«ԱՄՆ-ի եւ Ճապոնիայի դաշինքը մեր երկու երկրների հիմնասյուներից մեկն է», - նշեց Բարաք Օբաման:
Մայիսի 26-ին Մեծ յոթնյակի ղեկավարները սկսում են պաշտոնական գագաթաժողովը, որի ընթացքում առաջնորդները քննարկելու են տնտեսությանը, շրջակա միջավայրի պաշտպանությանը եւ գլոբալ քաղաքականությանը վերաբերող խնդիրներ: