“Çärelerde heläkçilikli wakalar bolýar”

Türkmenistanda geçirilýän köpçülikleýin çäreleriň, açylyş dabaarlarynyň aglabasyna adatça müňlerçe adam gatnaşdyrylýar. Şol çärelere türkmenistanlylaryň tas ählisiniň diýen ýaly mejbury eltilýändigi aýdylýar.

Şol bir wagtda, käbir türkmenistanlylar ýurtdaky açylyş dabaralaryna, çärelere adamlaryň köpçülikleýin gatnaşdyrylmagyny tankyt edip, bu zatlaryň prezidentiň göwnüne ýaraýan bolmagynyň ähtimaldygyny aýdýarlar.

Bu barada Mary welaýatyndan özüni Orazsähet diýip tanyşdyran pensioner ýaşuly Azatlyk Radiosynyň Türkmenistandaky habarçysy Soltan Açylowa gürrüň berdi.