ཧོང་ཀོང་གི་སློབ་ཕྲུག་གཙོ་བོར་གྱུར་བའི་དམངས་གཙོ་དོན་གཉེར་བ་བརྒྱ་ཕྲག་མང་པོས། གྲོང་ཁྱེར་དེའི་འགོ་ཁྲིད་མང་ཚོགས་ཀྱིས་ཐད་ཀར་དམངས་གཙོའི་ལམ་ནས་འོས་འདེམས་བྱ་རྒྱུའི་ཐོབ་ཐང་དགོས་པའི་དགོས་འདུན་བཏོན་ཏེ། ཞི་རྒོལ་ལས་འགུལ་མུ་མཐུད་ནས་སྤེལ་བཞིན་པའི་སྐབས་འདིར། གཟའ་ལྷག་པའི་ཉིན་གྱི་སྔ་ཐོ་རེངས་གཞུང་གི་ཉེན་རྟོག་པ་ཚོས། གྲོང་ཁྱེར་དེའི་དབུས་སུ་ཞི་རྒོལ་བྱེད་མཁན་རྣམས་ཀྱིས་བཀག་རྒྱ་བཙུགས་པ་རྣམས་གཏོར་བཤིགས་བཏང་བ་མ་ཟད། ཞི་རྒོལ་བྱེད་མཁན་བཞི་བཅུ་ཞེ་ལྔ་འཛིན་བཟུང་བྱས་ཡོད་པ་དང་། དེ་རྗེས་ཨ་སྒོར་འཐེར་འབུམ་མང་པོའི་བདག་པོ་ཧོང་ཀོང་གི་འབྱོར་ལྡན་པ་ལི་ཁཱ་ཤིང་གིས། ཞི་རྒོལ་བྱེད་མཁན་དམངས་གཙོ་དོན་གཉེར་བ་རྣམས་ལ། ལས་འགུལ་སྤེལ་མཚམས་བཞག་སྟེ་རང་རང་སོ་སོའི་ཁྱིམ་ལ་ཕྱིར་ལོག་བྱེད་དགོས་པའི་ཞུ་བསྐུལ་གྱི་གསལ་བསྒྲགས་ཤིག་སྤེལ་ཡོད་པ་བཅས་ཀྱི་སྐོར།
ཧོང་ཀོང་གི་འབྱོར་ལྡན་པ་ལི་ཁཱ་ཤིང་གིས་ཞི་རྒོལ་མཚམས་འཇོག་དགོས་པའི་ཞུ་བསྐུལ།