د افغانستان کرکټ ملي ټیم د دریو میاشتو په بهرني سفر روان شو

د افغانستان کرکټ ملي ټیم د صحارا جام شل اووریزو لوبو کې د ګډون له پاره متحده عرب اماراتو ته رسیدلی.ټیم کې محمد اصغر ستانکزی کپتان ،نوروز منګل، محمدشهزاد، محمد نبي، سمیع الله شینواری، دولت ځدران ، ګلبدین نایب، نجیب الله ځدران، راشد خان ارمان، امیر حمزه، نجیب الله تره کی، کریم جنت، فرید احمد ملک او نوین الحق مراد شامل دي.

د افغان کرکټ ملي لوبډلې منیجر شیر اغا همکار په دې اړه ویلي چې دا لوبې د دویمه درجې هېوادونو مهمې نړیوالې شل اووریزه لوبې دي، د ده په وینا، په دغو سیالیو کې اته لوبډلې برخه لري چې پر دوو ګروپونو ویشل شوې دي . په الف ګروپ کې افغانستان، ایرلینډ، نمیبیا او متحده عربي امارات لوبډلې او په ب ګروپ کې نیدرلینډ، سکاټلینډ، عمان او د هانګ کانګ لوبډلې شاملې دي چې افغانستان به خپله لومړۍ لوبه د جنورۍ په ۱۴مه له ایرلینډ سره، په ۱۶مه له اماراتو سره او د جنورۍ په ۱۹مه، به د ګروپ خپله وروستۍ لوبه له نمیبیا سره ترسره کړي او د صحارا شل اووریز جام پای لوبه به د جنوري په ۲۰مه نیټه ترسره شي.

د معلوماتو له مخې د افغانستان کرکټ ملي ټیم په متحده عرب اماراتو کې د اسټرالیا سره د څلورورځنۍ لوبې لپاره تمریناتي کمپ کې برخه اخلي او د فبروي په نهمه به د اسټرالیا د ټیم سره ټیسټ سیالي لري، له هغې وروسته به د فبروري په ۱۳ مه زموږ ملي لوبډله د زمبابوې پر لور سفر وکړي چې هلته به ددغه هېواد له ملي لوبډلې سره پنځه یو ورځنۍ نړیوالې لوبې ترسره کړي.

د صحارا جام سیالیو دپاره چې متحده عربي اماراتو کې کیږي،د افغانستان د ملي ټیم لوبغاړي

د سږ کال د مارچ په میاشت کې به د افغانستان کرکټ ملي ټیم هند ته ځي او هلته به د ایر لینډ د کرکټ ټیم سره د شل اوریزو ،یو ورځنیو او یوې څلور ورځنۍ سیالۍ دپاره د مقابل ټیم سره مخامخ کیږي.

بلخوا د افغانستان د کرکټ بورډ د انتخاب د کمیټې نوي مشر ښاغلي نوروز منگل ویلي چې د ملي ټیم لوبغاړي شاهپور ځدران او شفق الله شفق چې د ځینو وجوهاتو له کبله د ډیر وخت نه د کرکټ ملي ټیم او نړیوالو لوبو نه بهر وو،بیرته راتگ دپاره ورته تمریني لوبو فرصت برابریږي ،ترڅو دوي جسماني او زهني توگه باندې بیرته عیار شي او بیرته ملي ټیم سره یو ځای شي.

د افغانستان د کرکټ بورډ د انتخاب د کمیټې مشر نوروز منگل مرکه

Embed code

Copy and paste the embed code below.

The code has been copied to your clipboard.

http://www.pashtovoa.com/a/3664541.html

0:09:19

▶

0:00:00 /0:09:19

▶

مستقیمه لیکه

• 128 kbps | ایم پي ۳
• 128 kbps | ایم پي ۳
• 64 kbps | ایم پي ۳

میډيا پلیر جلا پرانستل کیږي