ध्वनितरंगांनी जन्मतःच फारकत घेतली. संवादाचे माध्यमच खुंटले. पण आयुष्यात जलतरंग आले आणि आयुष्याला जगण्याचे एक ध्येय मिळाले. राधा टाकोणेने आत्मविश्वास आणि जिद्दीच्या जोरावर जलतरंगांवर स्वार होत आंतरराष्ट्रीय स्तरापर्यंत झेप घेतली. वयाच्या बाराव्या वर्षी मेलबोर्न, ऑस्टेलिया येथील जलतरण स्पर्धेत भारताचे प्रतिनिधित्व करणारी सर्वात लहान जलतरणपटू होण्याचा मान तिने पटकावला.
वयाच्या तिसऱ्या वर्षांपासून सुरू झालेला हा जलतरणाचा प्रवास राधासाठी तसा अवघडच होता. एरवी काही सामान्य मुले खेळातच काय पण अभ्यासातही प्रावीण्य प्राप्त करण्यासाठी धडपडत असतात. पण राधाला तर आवाजाचे जगच माहिती नव्हते. तिचे वडील संजय अशोक लेलॅण्डमध्ये कार्यरत. राधा दोन वर्षांची असतानाच कर्णबधिर असल्याचे निदान झाले तेव्हा आई संगीता, वडील संजय हे दोघेही हादरले होते. पण संगीता यांनी स्वतःला सावरले आणि राधाला घेऊन मुंबई गाठले. स्पीच थेरपीचे विशेष प्रशिक्षण घेऊन मायलेकी नागपुरात परतल्या. सोमलवार रामदासपेठमध्ये प्राथमिक शिक्षण घेत असतानाच अॅक्वा स्पोर्टस् क्लबमधून तिने जलतरणाचा सराव केला. असंख्य स्थानिक, राज्यस्तरीय व राष्ट्रीय स्तरावरील जलतरणाच्या स्पर्धा तिने जिंकल्या. सलग चारवेळा डेफ नॅशनल स्पर्धेत सर्वोत्कृष्ट महिला जलतरणपटूचा बहुमान पटकावणाऱ्या राधाच्या नावे अनेक राष्ट्रीय विक्रम आहेत.
जलतरणाचा सराव सुरू असतानाच अभ्यासातही तिने विशेष चमक दाखवली. बारावीनंतर विश्वेश्वरय्या नॅशनल इन्स्टिट्युट ऑफ इंजिनीअरिंगच्या (व्हीआनआयटी) अंतिम वर्षाला मेकॅनिकेल इंजिनीअरिंग अभ्यासक्रमासाठी प्रवेश घेतला. चौथ्या वर्षाला असलेल्या राधाने गेल्या ऑगस्ट महिन्यात बुल्गेरिया येथे झालेल्या डिफलिंपिक स्पर्धेत भारताचे प्रतिनिधित्व केले आहे.
अपंगत्वावर मात करीत 'बेस्ट स्पोटर्समन'चा तीनदा किताब पटकावणाऱ्या राधाला नुकताच हर्ड फाउंडेशनचा पुरस्कारही मिळाला आहे. राधाची जलतरणातील ही 'डाइव्ह' साऱ्यांसाठी प्रेरणादायी अशी ठरली आहे. (शब्दांकन - मंजुषा जोशी)
वयाच्या तिसऱ्या वर्षांपासून सुरू झालेला हा जलतरणाचा प्रवास राधासाठी तसा अवघडच होता. एरवी काही सामान्य मुले खेळातच काय पण अभ्यासातही प्रावीण्य प्राप्त करण्यासाठी धडपडत असतात. पण राधाला तर आवाजाचे जगच माहिती नव्हते. तिचे वडील संजय अशोक लेलॅण्डमध्ये कार्यरत. राधा दोन वर्षांची असतानाच कर्णबधिर असल्याचे निदान झाले तेव्हा आई संगीता, वडील संजय हे दोघेही हादरले होते. पण संगीता यांनी स्वतःला सावरले आणि राधाला घेऊन मुंबई गाठले. स्पीच थेरपीचे विशेष प्रशिक्षण घेऊन मायलेकी नागपुरात परतल्या. सोमलवार रामदासपेठमध्ये प्राथमिक शिक्षण घेत असतानाच अॅक्वा स्पोर्टस् क्लबमधून तिने जलतरणाचा सराव केला. असंख्य स्थानिक, राज्यस्तरीय व राष्ट्रीय स्तरावरील जलतरणाच्या स्पर्धा तिने जिंकल्या. सलग चारवेळा डेफ नॅशनल स्पर्धेत सर्वोत्कृष्ट महिला जलतरणपटूचा बहुमान पटकावणाऱ्या राधाच्या नावे अनेक राष्ट्रीय विक्रम आहेत.
जलतरणाचा सराव सुरू असतानाच अभ्यासातही तिने विशेष चमक दाखवली. बारावीनंतर विश्वेश्वरय्या नॅशनल इन्स्टिट्युट ऑफ इंजिनीअरिंगच्या (व्हीआनआयटी) अंतिम वर्षाला मेकॅनिकेल इंजिनीअरिंग अभ्यासक्रमासाठी प्रवेश घेतला. चौथ्या वर्षाला असलेल्या राधाने गेल्या ऑगस्ट महिन्यात बुल्गेरिया येथे झालेल्या डिफलिंपिक स्पर्धेत भारताचे प्रतिनिधित्व केले आहे.
अपंगत्वावर मात करीत 'बेस्ट स्पोटर्समन'चा तीनदा किताब पटकावणाऱ्या राधाला नुकताच हर्ड फाउंडेशनचा पुरस्कारही मिळाला आहे. राधाची जलतरणातील ही 'डाइव्ह' साऱ्यांसाठी प्रेरणादायी अशी ठरली आहे. (शब्दांकन - मंजुषा जोशी)