This version of the page http://www.voashona.com/a/zimbabwe-mitambo/3544591.html (0.0.0.0) stored by archive.org.ua. It represents a snapshot of the page as of 2016-11-26. The original page over time could change.
Vatsigiri veMakepeke Vanoti Vachasimudza Mukombe weCastle Premier Soccer League

Accessibility links

  • Endai kuzvinyorwa zvashandiswa
  • Endayi kumuzinda wekunevhigeta
  • Endai Kunotsvaga
  • Learning English
  • Ndebele
  • Zimbabwe
Mitauro
Kodzero-dzevanhu

Vatsigiri veMakepeke Vanoti Vachasimudza Mukombe weCastle Premier Soccer League

  • Marvellous Kariati

Caps United

  • Share on Facebook
  • Share on Twitter
  • Timurai shamwari tsambambozha

Makundano enhabvu eCastle Lager Premier Soccer League ave nemutungamiri mutsva. Caps United ndiyo yave kutungamiri makundano aya zvichitevera mitambo yakaitwa mukupera kwesvondo.

Chikwata chaitungamira makwikwi aya cheFC Platinum chakarohwa 2-1 neHarare City, panguva iyo Caps United yakakunda Border Strikers 3-1 ndokuenda pamusoro.

Caps United yave nemapoinzi makumi mashanu nematatu, maviri pamusoro peFC Platinum, uyezve matatu pamusoro peHighlanders iyo irikubvira moto mazuva ano.

Mutambo pakati peHarare City neFC Platinum waive wemhando yepamusoro zvekuti vaivemo munhandare umo vakabuda vachifara kuti mari yavo yaive yashanda.

Murairidzi weKugona Kunenge Kudada Norman Mapeza anoti vaive vauya vaine tarisiro yekutora mapoinzi ese matatu asi zvakaramba.

Mapeza anobvuma kuti maSunshine City aive pamberi achiti iye havana chichemo nekukundwa kwavo.

Murairidzi weHarare City Moses Chunga anoti vakomana vake vakatamba zvinofadza achiwedzera kuti dai vakaramba vachitamba zvakadaro.

Highlanders ichiri kukwikwidzawo zvine mutsindo mumukombe uyu mushure mekunorova Chapungu 1-0, izvo zvavasiya vari mapoinzi matatu chete pasi peCaps United.

Iyo Caps United, ine mutambo mukukutu svondo rino apo irikusangana neDynamos, iyo irikuchema mushure mekuita mangange 1-1 neHwange muRufaro Stadium nezuro.

Mimwe mitambo yakapera seizvi….

Bulawayo Rovers 1 Chicken Inn 0

How Mine 0 Mutare City 0

Ngezi Platinum 1 Tsholotsho 1

ZPC Kariba 1 Triangle 0

Kwasara mitambo mina zvikwata zvina zviripamusoro ndeizvi….

Caps United 53 points

FC Platinum 51 points

Highlanders 50 points

ZPC Kariba 41 points

Zvikwata zvina zviri pasi ndeizvi…..

Chapungu 31 points

Mutare City Rovers 23 points

Tsholotsho Pirates 20 points

Border Strikers 14 points.

Border Strikers inoenda kudivision one ikarohwa mutambo wayo wesvondo rino uyo varikutamba neMutare City Rovers.

Totarisa nyaya dzemabhiza.

Vanoita zvekubheja mabhiza varikunyemwerera vakananga kubhanga mushure mekunge bhiza Lava Flow rakatora mukombe weZimbabwe National Army Charity Shield.

Bhiza iri iro rakabuda riri pamberi paCarl Me Earl naPrint The Pounds ririkubhadhara mari inoita iyo madhora manomwe padhora rega rega iro mubheji akaisa pariri patotalisator win.

Iyi haisi mari shoma panguva ino iyo bhiza rinenge richinzi rabhadhara zvakanyaya kuBorrowdale Race Course rinenge rapa vabheji madhora matatu padhora regarega.

Bhiza raitarisirwa kutora mukombe uyu Eurakilon rakapedza riripachinhanho chechishanu mumujaho waive nemabhiza masere.

The Mutineer ndiro rakapedza ririkumuswe.

Mijaho kuBorrowdale Racecourse ichadzoka musi wa 22 Gumiguru.

Mungangodewo

  • Matongerwo eNyika

    Zanu-PF Yonetsana neNyaya yeVatevedzeri veMutungamiri weNyika

  • Matongerwo eNyika

    VaNelson Chamisa Vopedza Zvidzidzo zveHufundisi Mukereke yeAFM

  • Matongerwo eNyika

    Bishop Bakare Voparura Gungano reNational Convergence Platform

  • Matongerwo eNyika

    Hurumende yeSouth Africa Yotarisisa Zvakare Nyaya yeMagwaro eZimbabwe Special Permits

  • Matongerwo eNyika

    MDC T Yoronga Musangano Mukuru weKupeta Gore kuZimbabwe Grounds

Back to top
XS
SM
MD
LG