Etiyopiya Catanguje Ikigandaro ku Bahitanwe n'imisunikano.

Igihugu ca Etiyopiya catanguje kur’uyu wa mbere ikigandaro c’imisi itatu kubantu 52 biciwe mu misunikano yabereye mu birori vy’idini inyuma yaho igipolisi kibatereyemwo ivyuka bikoroza amosozi k'umusi w'iamana.

Ivyo vyashikirijwe n’ikinyamakuru ca reta ya Etiyopiya. Abanyagihugu bo mu bwoko bw’aba Oromo bari bakoraniye k’umusi w’Imana mu gisagara ca Bishoftu, hafi y’umurwa mukuru Addis Abeba.

Ibintu vyagiye kuyangara inyuma y’aho igipolisi gitanguriye kubasukamwo ivyuka bikoroza amosozi.

Ubutegetsi bwo mur’iyo ntara bwatangaje ko abantu 52 bapfuye mu misunikano bariko barondera ingene bahunga.