Մի քանի պայթյուն է իրականացվել թուրք-սիրիական սահմանին

Ըստ որոշ տեղեկությունների, պայթյունները հեռվից կառավարվող ականների միջոցով իրականացրել են թուրք զինվորականները։ Գործողությունն, ըստ թուրքական աղբյուրների, Սիրիայի հյուսիսային հատվածում ուղղված է եղել ընդդեմ ՝՝Դաեշ՛՛ ծայրահեղական խմբավորման։
Թուրքիան անցյալ շաբաթ զորքեր տեղակայեց Սիրիայի տարածքում՝ օգնելու համար, որ տեղի ընդդիմադիր ուժերը գրավեն Ջարաբլուսը ՝՝Դաեշ՛՛-ից։ Սակայն այստեղ բախումներ սկսվեցին Սիրիայի քրդական ուժերի հետ, որոնք արդեն իսկ մարտնչում էին ընդդեմ ՝՝Դաեշ՛՛-ի ծայրահեղականների։
Թուրքիան փորձում է թույլ չտալ, որ իր բառերով քուրդ ՝՝ահաբեկիչները՛՛ միջանցք կազմեն թուրք-սիրիական սահմանին։

Թուրքիայի նախագահ Ռեջեփ Թայիփ Էրդողանը հերքում է ԱՄՆ-ի պաշտոնատար անձանց այն հայտարարությունները, թե թուրքական ուժերի դեմ մարտնչող Սիրիայի քրդական ուժերը, Թուրքիայի պահանջի ներքո, արդեն հետ են քաշվել դեպի Եփրատի արեւելյան ափերը։