Гадаев Мохьмад-Салахь. ЦIахь витина кIант
Нохчийн кIант
- Яхьийта Фейсбук тIе
- Яхьийта Твиттер тIе
Гадаев Мохьмад-Салахь.
ЦIахь витина кIант
Нана яхна базара,
Соьга аьлла:Iиэлахь цIахь.
Дикниг хир ву,
Аьлларг дахь.
Со а,
Нанас аьлларг деш,
Iуьйрре дуьйна
ЦIахь ву Iеш.
Со а,
КIад а ца велла,
Я кхиэра а ца велла.
Шел а, вох а ца велла,
Амма веллаЧIогIа
Мац
–Со ира а хIотталац.
Дош ду хIара?
Нане ала деза ас:
Я со кхин цIахь ма вита,
Я
цIахь соьца
Кийчча
Юург-мерг йита!
Мохьмад-Салахь Гадаев вина гIуран-беттан 6-чу дийнахь, 1909-чу шарахь. 1928-чу шарахь иза Ростовехь рабфаке деша дIехIутту. 1930 шерашкахь иза Нохчийчохь историн а, меттан а, литературан а Iилман-талламан институтехь болхбан волало иза. Лермонтован а, Толстойана, Пушкинан а, Некрасован а, Шевченкон а дийцарш нохчийн матта гочдо. Цу хенахь цуьнан ши книшка арайолу “Ши стаг”, “Буьйсанан дошло”, “Нус”, “Гуьржи”, “Акхалла”, “Хазман”, “Накъостий”, кхиерш а.
1942-чу шарахь иза антисоветан агитаци лелорна а, национал-троцкистан тобанан декъашхо хиларна а бехкевой, пхийтта шарана набахти чувуллу 1957-чу шарахь иза набахтичуьра араволу. 1957-чу шарахь иза Iедало юха а дIалоцу нохчийн къам сийсаздина яздорхо вийна аьлла бехке а во. Амма тоьпаш тоха дина тIайзар хуьйцу, цуьнан метта 25 шо набахти чохь даккха хан туху цунна.
1972-чу шарахь набахти чуьра ара а волий, Даймахка юхавогIу иза. Араваьлча, псевдонимах пайда а оьцуш, цо дийцарийн гуламаш язбо. ГIуран-беттан1972-чу шарахь Мохьмад-Салахь велира.