དགེ་བཤེས་བློ་བཟང་སྨོན་ལམ་ལགས་ནི་སྨོན་ལམ་བོད་ཡིག་ཡིག་གཟུགས་དང་སྨོན་ལམ་བོད་ཀྱི་ཐུན་མོང་སྐད་གདངས། སྨོན་ལམ་ཚིག་མཛོད་བཅས་གསར་བཟོ་གནང་མཁན་ཡིན་པ་མ་ཟད། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་འགན་འཛིན་གྱི་ངོས་ནས་དེང་སྐབས་སྨོན་ལམ་བོད་ཀྱི་ཀུན་བཏུས་གློག་ཀླད་ཚིག་མཛོད་ཆེན་མོ་རྩོམ་སྒྲིག་བྱེད་བཞིན་པའི་སྒང་རེད། ཁོང་ནི་བོད་ཀྱི་དགེ་འདུན་པ་ཞིག་གིས་བོད་ཡིག་དེ་དེང་རབས་འཕྲུལ་ཆས་སུ་རྒྱལ་སྤྱིའི་ཡི་གེ་སྤྱི་ལྟར་བེད་སྤྱོད་གཏོང་ཐུབ་པའི་ལམ་བུ་གསར་གཏོད་གནང་མཁན་ཞིག་ཡིན།