Mengli Geray – Qırım devletiniñ qurucısı

Geraylar soyadını alğan ekinci Qırım hanı Mengli Geray tarihqa devlet qurucısı, islâatçı ve arbiy general olaraq kirdi.

Videobloglarınıñ yañı bölügi Qırım hanlarınıñ Geraylar sülâlesi aqqında tarif ete. Bu adamlar kim edi, nasıl etip akimiyetke keldi ve nasıl bir iz qaldırdılar. Er bir bölükniñ merkezinde – qaramanlardan biriniñ taqdiri.

Qırım hanlığı ve Qırım tarihınıñ eñ meraqlı saifeleri – Qırım.Aqiqatnıñ yañartılğan leyhasında, Qırım tarihçısı Gülnara Abdullanıñ «Tuğra» videobloglarında.

​Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki meselelerini añlamaq içün bir anahtardır.

Metn müellifi ve alıp barıcı Gülnara Abdulla, rejisser Fatima Osmanova, operator ve montaj rejisseri Eldar Halilov, ğaye müellifi Emine Ceppar.

Videoda Esir Sultan bediiy filmi, rejisser Hakan Gürtop, 2012, Fatih bediiy filmi, rejisser Merve Girgin, 2013, The history of the Ottoman empire vesiqalı filminiñ levhaları, rejisser David Cargill, 2013, em de muzıka: Matti Paalanen – Drama, Plastic3 – Epic dramatic film music qullanıldı.

Gülnara Abdulla, Qırım tarihçısı

«Bloglar» rubrikasında bildirilgen fikir-tüşünceler müelliflerniñ noqtaiy-nazarlarını aydınlatıp, muarririyetniñ baqışları ile aynı olmaması mümkün