Inteko zijejwe gucungera umutekano z’umuryango w’ubumwe bwa Afurika, zizwi kw’izina rya AMISOM, n’inteko za reta ya Somaliya zishe abategetsi bakomeye mu vya gisirikare b’umurwi al-Shabab mu ntara ya Shabelle.
Abategetsi batandatu bakomeye mu vya gisirikare b’umurwi al-Shabab bishwe uno musi ku wa kabiri.
Itorokanirizo ry’amakuru, Reuters ryamenyesheje ko umukuru w’umurwi al-Shabab mu vyerekeye iperereza mu karere ka Shabelle, Hassan Ali Dhoore yishwe.
Umuvugizi wa al-Shabab atangaza ko Dzhoore yishwe, yamara ntiyemeza abandi bishwe.
Ku bw’itangazo rya AMISOM, inteko zijejwe gucungera sumutekano z’umuryango w’Ubumwe bwa Afrika zigiye kwongereza ingwano ku murwi al-Shabab.