Bwana Ladislas Ntaganzwa uherutse gushyikirizwa ubutabera bw'u Rwanda kubw'ibyaha bya jenoside bumukurikiranyeho, kuri uyu wa mbere yagejejwe imbere y'urukiko hasuzumwa niba yaba afunzwe by'agateganyo
Ubushinjacyaha bumurega ibyaha bitanu bikomeye kandi bidasaza bya jenoside n'ibyibasiye inyoko muntu.
Ubushinjacyaha buravuga ko Ladislas yabikoreye mu cyahoze ari Komini Nyakizu muri perefegitura ya Butare aho yari Burugumesitiri mu mwaka wa 1994.
Bwabwiye umucamanza ko kubera Ladislas Ntaganzwa yari yaratorotse ubutabera akaboneka bigoranye igishoboka ariko yaba afunzwe mu gihe cy'iminsi 30 y'agateganyo mu gihe bugikora iperereza.
Bwana Ladislas Ntaganzwa yabwiye umucamanza ko yifashe ku byaha byose akurikiranyweho mu gihe ubushinjacyaha buvuga ko bukimukoraho iperereza.
Ladislas Ntaganzwa w'imyaka 54 y'amavuko yafatiwe muri Repubulika iharanira demokarasi ya Kongo mu mwaka ushize wa 2015. Yagejejwe mu Rwanda mu ntangiriro z'ukwezi kwa gatatu uyu mwaka.
Leta Zunze ubumwe z'Amerika yagaragaje ko yishimiye ifatwa rye no kuba azaburanishwa n'inkiko z'u Rwanda
Urubanza Rwa Ladislas Ntaganzwa
- Urutonde rw'ibyo ushaka
inikiza
- MP3 (Mupitatu) - 128,0kb/s - 3,8MB
- MP3 (Mupitatu) - 64,0kb/s - 1,9MB