Рынкі апусьцеюць? Прадпрымальнікі страцілі права прадаваць расейскі легпрам без суправаджальных дакумэнтаў
- Падзяліцца на Фэйсбуку
- Падзяліцца на Твітэры
Тэрмін рэалізацыі расейскіх тавараў лёгкай прамысловасьці індывідуальнымі прадпрымальнікамі скончыўся 1 студзеня. Прадпрымальнікі супраць.
Згодна з указам № 222, ад 1 студзеня індывідуальныя прадпрымальнікі могуць прадаваць прадукцыю прадпрыемстваў лёгкай прамысловасьці краінаў Мытнага саюзу толькі з суправаджальнымі дакумэнтамі.
У 2014 годзе была скасаваная палёгка, што дазваляла індывідуальным прадпрымальнікам завозіць з Мытнага саюзу тавары легпраму без дакумэнтаў, што пацьвярджалі б іх легальнае паходжаньне і бясьпеку для спажыўца. Такія тавары без дакумэнтаў трэба было распрадаць да 1 сакавіка 2015 году, пазьней тэрмін быў працягнуты да канца 2015 году. Непрададзеныя тавары могуць выкарыстоўвацца толькі «ў мэтах асабістага, хатняга, сямейнага спажываньня, не зьвязанага з прадпрымальніцкай дзейнасьцю».
Указ выклікаў абурэньне прадпрымальнікаў: маўляў, пастаўшчыкі тавараў ці адмаўляюцца выдаваць такія дакумэнты, ці падрабляюць іх, — у выніку прадаўцам пагражаюць штрафы і канфіскацыі. Старшыня грамадзкага аб’яднаньня «Пэрспэктыва» Анатоль Шумчанка накіроўваў ад імя прадпрымальнікаў ліст Лукашэнку з просьбай працягнуць тэрмін рэалізацыі тавараў Мытнага саюзу без дакумэнтаў, увесьці мараторый на ўказ № 222.
Праз указ № 222 індывідуальныя прадпрымальнікі ў Менску масава нясуць заявы адміністрацыям гандлёвых цэнтраў і рынкаў аб прыпыненьні ці спыненьні дзейнасьці. Пра спыненьне працы паведамляюць прадпрымальнікі Віцебску, Магілёва, а таксама іншых гарадоў Беларусі.
Яшчэ на гэтую тэму
-
Гандляры ў Віцебску аб’явілі аб спыненьні працы зь 1 студзеня
-
Гомельская прадпрымальніца: «Працаваць у такіх умовах — гэта падпісваць сабе сьмяротны прысуд»
-
У новым годзе магілёўскія рынкі апусьцеюць. Прадпрымальнікі страцяць свой бізнэс
Вам можа яшчэ спадабацца
-
Эканоміка
Чарга на кватэру ў Менску — 260 год. Як з гэтым жыць, расказваюць менчукі
-
Эканоміка
Ворша: І шпіталь не будуюць, і пратэставаць не даюць
-
Эканоміка
Прафэсар БДУ пра лібэральныя рэформы: «Трупы, чарвякі, смурод — вось і ўся свабода»
-
Эканоміка
Абама: «Панамскі архіў» — сьведчаньне слабасьці падатковых законаў