Qırımlılarnıñ mektüpleri: iÅŸanmaq kerek!

Bugün eki kere elektrikler kesildi. Çarşıda adam az, alıcılar bayağı eksildi, satıcılar indemeyip otura. Laf etecek adam yoq. Yalıñız şahsiy satışlar aqqında söz yürsetile. «Ebet, ukrain malı daa yahşı edi», «havuç salatasını yaptım, aqayım ketirmege unuttı», «domuz eti bar, amma gizli-gizli» kibi laflar kete. İnsanlar siyasiy mevzulardan uzaqlaşalar. Küneşli bir kün olsa da, soqaqlar renksiz, septirilgen, dep aytar edim – «bu nomeralı ev qayda bilmesiñizmi?» kibi sualler çoq. Adamlar ayaqta qala bilmek içün iş qıdıralar.

Ne sebepten artıq (çoqusı allarda) çarşığa barammı? Birinciden, «PUD» ya da «Furşet» kibi tükânlar mağazlar kibi. Adam yoq, er kes indemey ve ortalıq tüssüz. Bazarda saña iç olmağanda selâm berirler, malnıñ keyfiyetine baqmağa çareñ bar. Bir kün sevimli «Qırım gülü» qartobı ğayıp oldı. Satmaylar. Tanış bir satıcı bu qartopnı er daim satqan bir yerni kösterdi. Rostovdan ketirilgen qartopnıñ fiyatı 35 ruble olsa, yerli qartop – 60 ruble. Er vaqıt paalı edi. Bazarda o qadar çoq da degil.

​Rostov qartobından soñ pestitsid himiyanıñ tadı qala. Añlaşıla ki, östürmek ve saqlap qalmaq içün qızğanmağanlar. Bu sebepten Rusiye qartobını aşap zeerlenmemek içün eki qat paalı olğan yerli qartopnı alam. Adamlar kerçekten susıp otura, yorulğanlar ve artıq nege işanacağını bilmeyler. Elektrikni söndürüv cedvellerinden ğayrı, Qırım taqdiri aqqında başqa bir şey yoq. Siyasetçiler özüne fayda ketirmek içün şiarlarnı qullanalar. Bir şey aytalar, başqaca tüşüneler, asılında ise kerçek vaziyetni bilmeyler.

İşanmaq kerek. Kün kelir, demir yol vokzalı çalışmağa başlar ve «Kurortnaya» stantsiyası çeşit milletli turistlernen tolur. Ava limanında grajdan avacılıqnıñ halqara uçuşları seviyesinde uçaqlar uçmağa başlar. Soqaqlar bahtlı qırımlılarnıñ tebessümleri ve raatlanmağa kelgen insanlarnıñ külküsinen tolur. Eski işaretler yerine eñ azından eki tilde yazılğan levhalar asılır. Yatırımlar Qırım çarşısını qaplap alır. Avropa malları kelecek, vitrinlerde meşur markalar yer alacaq. Kelgen-keçken ukrain tilinde bir şey soracaq, kökte ise sarı-mavı toplar uçacaq ve altın-mavı feyyerverkler açacaq...

Vera Levkoviç, qırımlı, bloger

«Bloglar» rubrikasında bildirilgen fikir-tüşünceler müelliflerniñ noqtaiy-nazarını aydınlatıp, muarririyetniñ baqışları ile aynı olmaması mümkün