Паводле афіцыйных вынікаў, эканоміка Беларусі ў мінулым годзе зьведала рэкорднае за апошнія 20 гадоў падзеньне. Ці працягнецца гэтае падзеньне і сёлета, як гэта паўплывае на дабрабыт беларусаў? Чаму ўлады замоўчваюць крызіс у эканоміцы і што яны робяць, каб яго пераадолець? На гэтыя ды іншыя пытаньні адказваюць галоўны рэдактар інтэрнет-праекту «Белрынак» Ірына Крыловіч і эканаміст Леанід Злотнікаў.