Herson vilâyetinde Noman Çelebicihannı añdılar
- Facebook saytında bolüÅŸmek
- Twitter saytında bolüÅŸmek
Herson vilâyeti Geniçesk rayonında qırımtatar siyasiy ve devlet erbabı Noman Çelebicihannıñ hatırasına bağışlanğan tedbirler keçti.
Qırımtatarlarnıñ milliy meclisleri Geniçesk rayon devlet memuriyetiniñ yardımı ile Sçastlivtsevo köyünde hatıra aqşamı ve dzüdo yarışı keçirildi. Ğaliplerge Noman Çelebicihannıñ süreti ile naşinlarnı bağışladılar.
Tedbir devamında yerli rayon devlet memuriyeti başınıñ muavini Gülnara Bekirova Noman Çelebicihannıñ «bütün milletler bir-biri yanında, el-elge ketmek kerek» olğanı aqqında sözlerini hatırlattı ve köy şurası başına ukrain ve qırımtatar bayraqlarını bağışladı.
«Menimce, bir kün kelir, Qırımda maniasız bulunıp, Vatanıñızda yaşap olursızsıñız», – dedi o bulunğanlarğa.
Noman Çelebicihan 1885 senesi molla qorantasında dünyağa keldi. Bağçasaray, İstanbul ve Sankt-Peterburgda oqudı, qırımtatar yaşlarınıñ maarif ve inqilâp teşkilâtlarında iştirak etti. Çelebicihan – qırımtatarlarnıñ «Ant etkenmen!» milliy gimniniñ müellifidir.
2:03
Fevral inqilâbından soñ Qırım müftisi oldı, soñra – birinci Qırımtatar Milliy Qurultayınıñ reisi. 1918 senesi yanvar ayında bolşevikler tarafından apiske alındı, fevral 23-te Aqyar apishanesinde öldürildi. 33 yaşında Noman Çelebicihannıñ cesedi deñizge atılğan edi.
Fevral 23 künü Qırımda Rusiye bayramı qayd etile – Vatan imayecisi künü.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.