WASHINGTON DC— Ibandla elibusayo kweleSouth Africa eleANC lithi alisoze lilandele umzekeliso weZimbabwe owokuthumba amapulazi abalimi abamhlophe.
Unobhala jikelele walelibandla uMnu Gwede Mantashe uveze lokhu kuliviki emhlanganweni obukhangela ngezokulima.
UMnu Mantashe uthe eleZimbabwe liphakathi kobunzima nje kungenxa yohlelo lokuthathela abalimi abamhlophe amapulazi kungelambadalo.
Ngalokho, uthe uhulumende weANC kasoze akwenze lokhu lanxa sokutheni. Zinengi iziphathamandla zeSouth Africa esezike zaveza imbono efanayo.
Ukuhlaziya amazwi kaMantashe sixhume ingcwethi kwezombusazwe uMnu Mlamuli Nkomo yena othe manengi amazwe ananzelelayo ukuthi ukuthumba amapulazi ngodlame ayisiyo ndlela eqondileyo yokulungisisa udaba lomhlabathi.