લંડન : જાણીતા ટીવી પ્રેઝન્ટર જિમી સેવિલેને લઈને એક સનસનીખેજ ખુલાસો થયો છે. તપાસ રિપોર્ટમાં જાણવા મળ્યુ છે કે સેવિલેએ યૂકેની 28 હોસ્પિટલોમાં 4 દશકાથી વધુ સમય સુધી દર્દીઓનું યૌન શોષણ કર્યું. આ દર્દીઓની ઉંમર 5 વર્ષથી લઈને 75 વર્ષની હતી.
નેશનલ હેલ્થ સર્વિસીઝના રિપોર્ટ મુજબ સેવિલે હોસ્પિટલના મુડદા ઘરોમાં રાખવામાં આવેલી લાશોની સાથે સેક્સ કરતો હતો. તે લાશોની આંખો કાઢી લઈ તેની જ્વેલરી પણ બનાવી હતી. આંખો જડેલી વીંટી જ તેણે પોતાના હાથમાં પહેરી હતી.
સેવિલેનો જન્મ 31મી ઓક્ટોબર, 1926માં બ્રિટનમાં થયો હતો. તે રેડિયો 1 ડીજેની સાથે-સાથે બીબીસીના પ્રેઝન્ટર પણ રહ્યા. 84 વર્ષની ઉંમરમાં 29મી ઓક્ટોબર, 2011માં તેમનું મૃત્યુ થયું. મૃત્યુના એક વર્ષ પહેલા જ સેવિલે પર બાળકોના યૌન શોષણનો આરોપ લાગ્યો હતો.
રિપોર્ટ મુજબ તેણે જેની સાથે યૌન શૌષણ કર્યું, તેમાંથી મોટાભાગના બાળકો હતા. તેણે 5 વર્ષની લગભગ 103 બાળકીઓ અને મહિલાઓને પોતાની હવસનો શિકાર બનાવી હતી. રિપોર્ટમાં એ 50 જગ્યાઓનો ઉલ્લેખ કરવામાં આવ્યો છે, જ્યાં સેવિલેએ પીડિતોની સાથે આ શરમજનક કામ કર્યું. તેમાં લીડ્સ, બ્રોડમૂર અને સ્ટોક મેડિવિલે હોસ્પિટલ સામેલ છે.