Свящ.: Благословен Бог наш…
Хор: Аминь.
Диакон: Слава Тебе, Боже наш, слава Тебе.
Хор: Царю Небесный.
Чтец: Трисвятое по Отче наш.
Свящ.: Яко Твое есть Царство...
Чтец: Аминь. Господи, помилуй (12 р.), Слава, и ныне, Приидите поклонимся…
Псалом 142. Слава, и ныне. Аллилуиа (3 р).
Диакон: Мирная ектения… После прошения «О граде сем (обители сей)…» возглашаются следующие прошения:
О рабех Божиих, братиях и сестрах наших болящих и страждущих, и о еже в Бозе посещении их, и о еже приити на них благодати Святаго Духа, Господу помолимся. .
О еже простити им всякое согрешение вольное и невольное, и о еже милостиву быти им, Господу помолимся.
О еже благосердия ради милости Своея, грехи юности и неведения их не помянути, но милостивно укрепление здравия им даровати, Господу помолимся.
О еже не презрети прилежная моления рабов Своих, нами ныне молящихся, но милостивно услышати, и благоуветливу, и благопременительну, и человеколюбиву им бытии и здравие подати, Господу помолимся.
О избавитися нам… Далее по обычаю.
Свящ.: Яко подобает…
Диакон: Бог Господь…
Тропарь, глас 4: Скорый в заступлении един сый Христе, скорое свыше покажи посещение страждущим рабом Твоим, и избави от недуг и горьких болезней, и воздвигни еже пети Тя, и славити непрестанно, молитвами Богородицы, едине Человеколюбче.
Слава, и ныне, Богородичен: Предстательство христиан непостыдное…
Диакон: Вонмем, премудрость.
Чтец: Прокимен, глас 4: Воньже аже день призову Тя, скоро услыши мя.
Стих: Господи, услыши молитву мою и вопль мой.
Чтец: Соборного послания Иаковля, зач. 57: «Братие, образ приимите злострадания…» до «…много бо может молитва праведного поспешествуема».
Аллилуиа, глас 4.
Господи, да не яростию Твоею обличиши мене.
Спаси мя ради милости Твоея.
Свящ.: Евангелие, от Матфея, зач. 25:
«Во время оно, вшедшу Иисусу в Капернаум…» до «…и исцеле отрок его в той час»
Диакон: Помилуй нас, Боже…
Еще молимся Тебе, Господу Богу нашему, еже услышатися гласу моления нашего и молитве, и помиловати рабов Твоих (имярек), благодатию и щедротами Твоими, и простити им вся согрешения вольная и невольная, и покрыти их от всех враг видимых и невидимых, от всякия напасти, беды и скорби, и недугов избавити, и подати здравие с долгоденствием, рцем вси: Господи, услыши и помилуй.
Не хотяй смерти грешных, но еже обратитися, и живым им бытии, пощади и помилуй рабов Твоих (имярек), милостивне: запрети болезни, остави всю страсть, и весь недуг, и простри крепкую Твою руку, и якоже Иаирову дщерь от одра болезни воздвигни, и здравых представи, молим Ти ся: услыши и помилуй.
Езекиины слезы, Манассино и ниневитян покаяние, и Давидово исповедание приемый и скоро тех помиловавый: и наша во умилении приносимыя Ти мольбы прими, Всеблагий Царю, и яко щедр помилуй люте болящих рабов Твоих, здравие им даруй, со слезами молим Ти ся, Источниче жизни и безсмертия: услыши и скоро помилуй.
Еще молимся, и о еже услышати Господу Богу глас моления нас грешных, и помиловати нас.
Свящ.: Услыши ны, Боже…
Молитва Господу
Владыко Вседержителю, Царю святый, наказуяй и не умерщляяй, утверждаяй низпадающия и возводяй низверженныя, телесныя человеков скорби исправляй, молимся Тебе, Боже наш, рабов Твоих (имярек), немощствующих посети милостию Твоею, простри им всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся: буди врач рабом Твоим (имярек), воздвигни их от одра болезненнаго и от ложа озлобления цела и всесовершенна, даруй их Церкви Твоей благоугождающих и творящих волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.
Молитва Божией Матери
О Пречистая Богомати! Услыши многоболезненное воздыхание наше, призри на чад Твоих, неисцельными недуги страждущих, ко святому образу Твоему с верою припадающих!
Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества Сына Твоего! Малодушныя утеши, немощныя укрепи, ожесточенным сердцем умягчение и просвящение даруй.
Исцели болящия люди Твоя, о Всемилостивая Царице! Ум и руки врачующих нас благослови: да послужат орудием всемощнаго Врача Христа Спаса нашего.
Яко живей Ти, Сущей с нами, молимся Тебе, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получив, прословляем Живоначальную и Нераздельную Троицу, Отца, и Сына, и Святаго Духа, во веки веков. Аминь.
Окончание обычное.